Zobawk khawtlang chuan nimin khan Sorkar-in an khua-a HSLC Exam Center a hawn thar sak avanga lawm thu sawina hun an hmang a, he hun hi bialtu MLA Pu Joseph.Lalhimpuia, HPC Vice Chairman ni bawk chuan a hmanpui.
Pu Lalhimpuia chuan khawtlang hruaitute thahnemngaihna leh official ten theihtawp an chhuahna avanga Zobawk khua-ah HSLC Exam Center hawn a ni ta chu lawmawm a tih thu a sawi a. Exam Center thar neih mai duh tawk lovin, dik taka exam beihna hmun leh result tha tak neihna hmun a ni ngei tur a ni a ti. Tun Sorkar chhung ngei hian Zobawk-ah Higher Secondary School hawn hman a ni dawn a ni tiin, Govt. Zobawk High School building sakthatna atan tunah hian cheng nuai 30 ruahmanna siam mek a ni a ti bawk. HPC Vice Chairman chuan Zobawka Sport Academy siamna tura lei ba cheng nuai 70 pawh Sorkar chuan a rul zo tawh a ni a ti bawk.
HPC Vice Chairman hian HSLC Exam Center lawmna hun a hmanpui zawh hian Zobawk khaw mipuite tan Public Interview hun a hawng nghal a, Zobawk khua-a kum 75 chin chunglam mi 70 bawr velte hnenah Torch Light a pe theuh bawk.
HPC Vice Chairman hian HSLC Exam Center lawmna hun a hmanpui zawh hian Zobawk khaw mipuite tan Public Interview hun a hawng nghal a, Zobawk khua-a kum 75 chin chunglam mi 70 bawr velte hnenah Torch Light a pe theuh bawk.
