Commerce and Industries Deptt hnuaia NLUP 3rd Phase benefiaciries te hnenah 2nd installment NIB Chairman Pu JH Rothuama'n a sem.

Vawiin khan NLUP Implementing Board (NIB) Chairman Pu JH Rothuama chuan Aizawl West I leh West II ah NLUP tanpuina mi 455 te hnenah a sem a, Commerce and Industries Deptt hnuaia NLUP 3rd Phase, 2nd Installment atan hian Rs 1,83,42,000/- sem a ni.

NLUP tanpuina semna inkhawm Chawnpui Sports Complex, Aizawl a neih hi Commmerce and Industries Deptt Additional Director Pu C.Lalbiakthanga'n a kaihruai a, NIB Chairman Pu JH Rothuama chu khuallian a ni. Khuallian Pu JH Rothuama chuan thu sawiin kalkhawm te hnenah hian NLUP avanga zirtirtu hlawh lak a khaihlak thin nia sawi chu thudik a nih loh thu sawiin NLUP hi a hranpa a pawisa sawrkar laipui atanga kalpui ani a ti a. NLUP chu hmasawnna program khawvel danga la awm ngai lo ani a ti bawk. Pu JH Rothuama chuan NLUP in a tum zinga pakhat chu mi rethei bik awm lova Mizo mipui te khaihchhuah hi ani a ti a, chumi atan chuan theih ang angin tanpuina sem chhuah thin ani a ti bawk.

Vawiin-a sem NLUP tanpuina hi Commerce and Industries Deptt enkawl District Industries Centre (DIC), Aizawl enkawlna hnuaia mi a ni a, DIC General Manager Pi R.Lalrodingi chuan technical report a pe a ni. Commerce and Industries Deptt hian NLUP tanpuina hi mi 27114 hnenah an sem chhuak tawh a, a vaiin Rs 1,637,237,841 pek chhuah a ni tawh a ni. DIC Aizawl bik hian mi 13798 hnenah NLUP tanpuina hi an sem tawh a, Rs 1,011,894,488 sem chhuah ani tawh a ni.