Vawiin khan Lawngtlai District Task Force Immunisation Committee chu Lawngtlai DC Conference Hall-ah DRDA Project Director Pu H.Dolianbuaia hovin an thu khawm.

Member Secretary, District Immunisation Officer Dr S. Thaizi chuan agenda sawi zauvin, Lawngtlai District chhunga kal pawh harsa zual khuate chu duh angin hri danna (immunisation) pek theih an ni thin lo tih a sawi.

He hunah hian damdawi a chhiat hmaa a mamawhtute hnen thlen chu thil khirh tak a nih thu leh hemi harsatna tikiang tur hian department dang nen tang tlanga hma lak ho a tul thu tarlan a ni a. BADP hnuaia Health Camp buatsaih tur leh Chawngte-a vaccine vawn thatna hmunah ni tha (solar) khawlna buatsaih tura hma lak ni se, tih a ni a. Kumin December thla chhung hian district chhunga block tinah Block Level Task Force Immunisation Committee din vek ni se, tih a ni bawk.