NLUP kaltlanga Mizorama kuhva chiahna (Skop) hmasa ber Rs. Nuaih 35 senga Chemphaia siam chuan rah tha chhuah tan mek zelin tunah hian a enkawltu “Kuhva Chingtu Co-operative Society, Bilkhawthlir” te chuan Chemphai hmunah hian an hralh chhuak tan ta a, a hmunah hian kuhva skop pakhat Rs. 1.7/- in a duh apiang tan a lei theih a, 207 motor trip chin lei duh tan Mizoram khawi hmunah pawh pakhat Rs. 2/- in an dahsak thei bawk a ni. He kuhva Skop-na hi NLUP Implementing Board hnuaia mithiam ten India ram hmun hrang hrang a Kuhva Skop dan an zirchian hnu a a thianghlim thei ang ber leh tha thei ang bera an duanchhuah niin June ni 29, 2017 khan NLUP Implementing Board Chairman Pu JH Rothuama’n a hawng a ni. Chemphaia Kuhva Skop lei duh tan “Kuhva Chingtu Co-operative Society, Bilkhawthlir” Chairman Pu R. Thangtama (9774532219) leh Secretary Pu Lalchhuanawma (9862742416) te zawhfiah theih reng a ni.