NLUP KUTPUI 2018 Serchhip District in nimin atanga Serchhip Town Hall a a hman chu vawiin ah pawh tluang taka neih chhunzawm niin tlai lam dar 5 ah khar fel a ni ta.

Nimin Dt. 30. 5. 2018 khan he Kut hi Chief Minister leh bialtu MLA Pu Lal Thanhawla chuan a hawng a. A hawnna inkhawm neih zawh atangin NLUP Line Department hrang hrangten an Beneficiary te thil tharchhuah an phochhuah te chu 20% subsidy in zawrh an ni a. NLUP Kut hi Serchhip mipuiten an hlut em avangin nimin khan darkar reilote chhungin stall engemawzat chu an inhralh zo deuh vek a, bungrua an inchaw lut nawn nasa hle ani

Vawiinah pawh zing atangin stall thenkhat chu a dawr tum mipuite intlar tir ngai khawpin an lun a. Stall tam takin chawhnu lamah pawh khan bungrua an la inchheklut hlawm ani.

He NLUP Kutpui chhimtu mipui a duh apiangte tel theihna turin Pi Zonuntluangi, DFDO Serchhip leh a thawhpuite chuan mi vannei zawnna (Lucky Coupon draw) an buatsaih a. Kut chhimtu a duh apiangte chu a thlawnin Number nei Card an pe a. Tlaiah thumvawr niin mi vannei pawh/thlan chhuah chuan Sangha (Mangur) lian leh sei tak, a la dam tha ngei a dawng dawn ani.

Kut kharna inkhawm tawi hi tlai lam dar 4:00 pm ah I&PR photo Exhibition Stall ah Pu R. Vanrengpuia, Nodal Officer, NLUP kaihhruaiin buatsaih ani a. Pi Sangchhin Chinzah, DC chuan stall hrang te chu participation Certificate hlan a hlan a. He Kut chhunga inhralh zat tlai lam dar 3:00 pm vela I&PR in a lakkhawm chu Rs. 20, 37, 634.00 (nuai sawmhnih, sing thum sang sarih zaruk leh sawmthum palu) a tling tawh a. An zingah hian mal khaiin Industry Department hnuaia Chhuanthar Tlangnuam Industry chu inhralh tha berin Rs. 438120 man zet an hralh ani. Heng bungraw zawrhchhuah zawng zawng hi NIB chuan 20% in a subsidy vek a ni.


 

Attachment

  • Loading attachment...