Vawiin chawhnu khan AH&Vety Department chuan NLUP Kutpui Champhaia May Ni 11, 2018 a neih zawh taka Stall tha ber lawmman an lak lawmna hun chu LAD Picnic Spot-ah an nei.

He hun Dr TC Lalthanzaua kaihhruaiah hian Dr M. Zohmingthangi, District AH & Vety Officer chuan NLUP Kutpui neih taka stall tha ber lawmman an lak theihna tura staff leh officer rualte thawhhona chu chhuanawm a tih thu a sawi a. Champhai District zau tak chhunga AH&Vety Department anga hmalaknaah tawiawmna tha tak a dawng thin chu lawmawm a tih thu a sawi a. AH&Vety Department hnuaia Champhai District chhunga NLUP hamthatna dawngtu 6641 zingah theihtawp chhuah leh hlawhtlinpui an awm thin chu department tihmingthatu an nih thu a sawi a. Champhai District chhunga NLUP kalpuina kawnga line department leh Nodal Department inkara thawhhona tha tak awm chu chhunzawm zel nise a duh thu a sawi bawk a ni.

He hunah hian Line department dang hotute Pi Lucy Lalrinpuii DFDO, Pu Lalvansanga SDHO leh Dr Lallawmkima DIPRO te pawhin lawmpuina thu an sawi bawk a. Dr B. Lallawmsanga, Veterinary Officer-in lawmthu sawina neiin hun a khar a ni.

Vawiin program-ah hian AH&Vety Department Champhai hnuaia thawktute, Beneficiary leh NLUP line department hotute an tel a ni.