Mizoram Sawrkarin a flagship programme New Land Use Policy hlawhtlinna a pholanna tura a buatsaih, "NLUP Kutpui" nihnihna chu vawiin khan tluang takin neih chhunzawm a nia, mipuiin he kutpui hi an hlut in tlawhtu an thahnem thei hle a ni.

NLUP Kutpuiah hian Line Department hrang hrang 10 ten an hmalakna an tarlan bakah NLUP kal tlanga hmalakna chi hrang hrang phochhuah niin, NLUP beneficiary engemaw zatin dawr an hawng a, he kuta thil zawrh te hi bazar rate aia tlawm veka hralhchhuah anih bakah ran leh thlai damlo/hrisel lo te entirna hun Free Animal/Plant Health Clinic AH&Vety leh Horticulture Department ten an buatsaih a, NLUP Media Cell in NLUP hlawhtlinna chi hrang hrang thlalak phochhuakin a duh apiang te en theih turin NLUP beneficiary te hlawhtinna chanchin documentary film an chhuah reng bawk a ni.

He kutpui pual hian nitin Lucky draw siam a ni a, vawiina lucky draw man mi vannei te chu :- K.Lalfakawma, Bungkawn Vengthar, P.Lalmuankima, Durtlang Leitan, R.Lalthlamuani te an ni a, consolation prize mi panga :- Laldinthara, Mission Veng, Lalduhzuala Zuangtui, Kapmunga, Leisenzo, V.Lalrammawia, Laipuitlang leh Lalhlimpuii, Tuithiang vengte an ni.