Vawiin khan Industries Department hnuaia Tuirial cluster a NLUP dawngtute hnenah 3rd Phase 2nd Installment Pu Hmingdailova Khiangte, Parliamentary Secretary in a sem.

Pu Hmingdailova Khiangte chuan NLUP tanpuina dawngtute chu dik taka hmanga dinchhuahpui ngei thei turin a chah a. An hnathawh dan leh hmalak dan endik an nih hnu a tanpuina dawng zui zel tlak a ngaihin installment dang dawng leh an nih thu sawiin, taima taka chhunzawm zel turin a fuih a ni.

Vawiin NLUP semna inkhawm hi Awithangpa Hall, Kawnpui ah sem niin, mi 131 hnenah Rs.3,533,000/- sem a ni a. NLUP dawngtute hi an bank accountah pawisa hi thunsak an ni.

Vawiin vek hian Pu Hmingdailova Khiangte chuan Thingdawl Block chhunga thingtlang mi te Insak Tanpuina ‘Rural Housing Scheme’ hnuaia GSI Rangva a sem nghal a. Rangva hi mi 32 hnenah sem niin, mi pakhat hnenah bundle 4(pali) theuh a sem a ni.