Rural Development Department in 2010 - 2011 chhunga cheng nuai 1075 (Rs. 1075 lakh) NLUP atanga a hmuh leh MGNREGS, IWDP, IWMP kaihkhawp atanga hmalakna report NLUP Implementing Board Office ah an thehlut a. Hetianga RD Department in Central sorkar sum an hmuh chi hrang hrang leh NLUP sum (2010 - 2011) kaihkawp atanga hmalak mek na leh hnathawh hlawhtlinna chu hetiang hi a ni :

1. Rural Connectivity (Agri-link road etc) hnuaiah cheng nuai 6810.42 sengin kawng 764.62 km sial a ni.

2. Cheng nuai 908.00 sengin water harvesting unit 294 siam a ni.

3. Khaw hrang hranga V/C office atan te, NLUP office leh development hmalakna chi hrang hrang enkawlna atan bika Rajiv Gandhi Sewak Kendra building 149 sak a ni.

Nikum 2010 - 2011 khan sum indaih lohna avangin RD department hnuaia IWMP leh IWDP project 16, cheng nuai 427.00 man sut kianna atan leh miretheite ni 100 inhlawhna (MGNREGS) hnuaia sum indaih lohna sutkianna turin NLUP hnuaia sum tangkai zawka hman dan tur ruahmanna siam a ni a. Infrastructure Development atana NLUP sum hi Rural Development department in sum an in daih lohna leh central sorkar guideline hnuaia harsatna an neihte sutkianna atan tangkai taka hman a ni a. Hetianga sum hmang tangkai zawnga hmalakna avangin NLUP Implementing Board chu Rural Development department Minister Pu R. Lalzirliana leh department thawktute zawng zawng leh khaw hrang hranga mipui inhlawhfakna atana lo hmang tangkai tute chunga NLUP Implementing Board chuan lawmthu a sawi a. Kumin 2011 - 2012 ah hian nasa zawka tan laa vantlang thatna tam zawk an thawh chhuah leh ngei an beisei bawk.