Vawiin khan District AH & Vety Office Mamit- ah Mamit District chhunga NLUP- NEDP Convergence hnuaia Vawkvulh thlangtu leh Arvulh thlangtu chhungkaw  29 te tan 1st instalment tanpuina Dr Lalmakzuala District AH & Vety Officer chuan  a  sem.

Tanpuina dawngtute hi Arvulh thlangtu chhungkaw 2 tan Rs 52740/- ( singnga sanghnih zasarih sawmli) theuh pek an ni a, vawlvulhtu chhungkaw 27 te tan Rs 36000/- ( singthum sangruk) theuh pek an ni bawk. NLUP - NEDP convergence tana tanpuina semchhuah zat hi avaiin Rs 10, 77,480/- pek chhuah an ni. Tanpuina hi pawisa faia semchhuah a ni bawk.

Vawiin vek hian NLUP 3rd & 4th Phase hnuaia tanpuina Zo Bawng ( Hill catle) thlangtu chhungkaw 72 te tan Final installment Rs 7000/- ( sangsarih) theuh  an account ah thunsak an ni bawk.

Tanpuina dawngtute pual hian an pawisa dawn hmanna tur inhrilhriatna neih nghal a ni a, Pu Lalmakzuala District Vety Officer chuan Sawrkar atanga tanpuina kan dawn chu a nihna tur ang taka hmang turin kan inngenin kan inphut tlat a ni a ti. Vety Officer chuan  kan chhungkua kan khawtlangin eizawnna nghelnget kan dinna tura tanpuina kan dawn chu anihna tur ang takin kan hmang  ngei tur a ni a, 1st Instalment tanpuina dawngtuten  tanpuina dawn chhan ang taka hna an thawh leh thawhloh thlakhat hnuah endik an nih leh dawn a,  pawisa hmanna tura ruahman sa anga hmang lote chu  2nd instalment pek theih an nih tawh dawn loh thu a sawi bawk a ni.

Vawiina tanpuina sem tak hi Arvulh thlangtu tan ar insakna, ar note leina leh a chaw man atana hman tur a ni a, vawkvulh thlangtute hian an tanpuina dawn hi vawk paruk dah theihna tura in sakna tur a ni bawk.

Attachment

  • Loading attachment...