Vawiin khan BNRGSK Hall, Aibawk ah Aizawl South-III Cluster huam chhunga Agriculture Department hnuaia WRC-I, WRC-II, Oil Palm leh Fu chin thlangtu chhungkaw 244 te hnenah 3rd leh 4th Phase NLUP tanpuina Final Installment leh NEDP-NLUP Convergence hnuaia WRC-II thlangtu chhungkaw 10 hnenah Final installment sem a ni a, bialtu MLA Pu KS Thanga, NLUP Nodal Minister ni bawk chuan Khuallian ni in he hun hi a hmanpui a ni.

He hun hmanpuitu Khuallian Pu KS Thanga chuan fuihna thu sawiin NLUP dawngtute zawng zawng chuan taimakna, rinawmna leh dikna nen an NLUP dawn chu hlawhtlin pui ngei tura á¹­an la turin a ngen a, NLUP dawng tur thlanchhuah thu ah thliar hran bik an neih loh thu leh University a mithiamte leh NGO ten Base line survey an neih zulzuia NLUP dawng thei chhungkaw nuai 1 leh sing 3 chuang thlanchhuah an nih tawh thu sawiin sem chhunzawm zel tura ruahmanna kalpui mek anih thu a sawi a, tun thla tira NLUP Kutpui a NLUP hlawhtlinna chi hrang hrang phochhuah ani khan NLUP hlawhtlinna a nemnghet ani ati bawk.

Minister chuan mithahnemngai thenkhat NLUP hi a thlawna pawisa semna tiin han sawisel bawk á¹­hin mahse mirethei leh chanhai zawkte chhanchhuahna hmanraw tha anih zia a taka a rawn lan zel avang hian sem zel a tul anih pawhin kan sem zel mai dawn a ni a ti a, tanpuina dawngtuten thahnemngai taka tumruhna nen a an thawh a hma an sawn pui anih chuan midang te NLUP dawn ve na tur kawng an sial sak ani tih hria a anmahni tan mai nilo midangte tan pawh a malsawmna thlen thei tu an ni tih in hre turin tanpuina dawngtute chu a chah bawk a ni.

Aizawl South-III cluster ah hian Agriculture Department hnuaiah khaw 24 ah NLUP 3rd Phase beneficiary 175 leh 4th Phase beneficiary 69, an vaiin 244 an awm a, NEDP-NLUP Convergence beneficiary 11 an awm bawk a ni.

Vawiin a NLUP tanpuina semchhuah dan chu hetiang hi a ni :

Third Phase beneficiary zinga WRC-I thlangtu chhungkaw 22 hnenah final installment Rs 16,000/- theuh sem niin Rs. 3,52,000/- sem chhuah a ni a, WRC-II thlangtu chhungkaw 124 hnenah Rs. 44,000/- theuh sem niin Rs. 54,56,000/- semchhuah a ni a, Fu (Sugarcane) thlangtu chhungkaw 26 hnenah Rs. 28,000/- theuh sem niin Rs. 7,28,000/- semchhuah a ni a, Oil Palm thlangtu chhungkaw 3 hnenah Rs. 12,000/- theuh pek niin Rs. 36,000/- semchhuah a ni a, vawiin a NLUP Third Phase beneficiary 175 hnena final installment semchhuah zawng zawng hi avaiin Rs. 65,72,000/- a ni.

Fourth Phase beneficiary zinga WRC-I thlangtu chhungkaw 8 hnenah final installment Rs 16,000/- theuh sem niin Rs. 1,28,000/- sem chhuah a ni a, WRC-II thlangtu chhungkaw 47 hnenah Rs. 44,000/- theuh sem niin Rs. 20,68,000/- semchhuah a ni a, Fu (Sugarcane) thlangtu chhungkaw 13 hnenah Rs. 28,000/- theuh sem niin Rs. 3,64,000/- semchhuah a ni a, Oil Palm thlangtu chhungkaw 1 hnenah Rs. 12,000/- thpek niin, vawiin a NLUP Fourth Phase beneficiary 69 hnena final installment semchhuah zawng zawng hi avaiin Rs. 25,72,000/- a ni.

NLUP 3rd Phase leh 4th Phase hnuaia beneficiary 244 te hnenah final installment semchhuah hi Rs. 91,44,000/- (Nuai 91,Sing 4 leh sang 4) a ni.

Hei bakah hian NEDP-NLUP Convergence hnuaia WRC-II thlangtu chhungkaw 10 hnenah final installment Rs. 36,450/- theuh pek an ni a (first installment Rs. 63,550/- theuh pek an ni tawh), NEDP-NLUP Convergence hnuaiah hian chhungkaw 11 awmin chhungkaw 10 in WRC-II an thlang a, Fu (Sugarcane) thlangtu chungkaw 1 hnenah tanpuina Rs. 1,00,000/- pek a lo ni tawh bawk a ni.

Agriculture Department hian Aizawl South-III Cluster hnuaiah hian NLUP beneficiary 943 an nei a, 1st Phase ah beneficiary 260, 2nd Phase ah 439, 3rd Phase ah 175, 4th Phase ah 69 awmin an hena tanpuina semchhuah tur zawng zawng an sem zo tawh a, heng tanpuina sum an semchhuah zawng zawng belhkhawm hi Rs. 31,20,88,000/- ( cheng Vaibelchhe 31, Nuai 20, Sing 8 leh Sang 8) a ni.