Vawiin khan Agriculture/Planning Minister Pu H. Liansailova room-ah NLUP hnuaia Agriculture link road kalpui dan tur rel turin meeting pawimawh tak neih a ni. Meeting-ah hian Chairman, NLUP Implementing Board te; Parliamentary Secretary, Agri/Planning etc. te; NIB official te leh Agriculture department hotute an tel a ni.

NLUP avangin 2010 - 2011 atangin Central sawrkar-in RKVY hnuaiah sum min pe tan ta a. NLUP avanga kum 3 chhunga a bika Central Sawrkar-in sum min pek belh dan hetiang hi a ni :

1. 2010 - 2011 Rs. 3.72 Crore

2. 2011 - 2012 Rs. 30.36 Crore

3. 2012 - 2013 Rs. 148.00 Crore

Remruatna thiam tak a buatsaih avangin Planning Commission atanga kumin atana Rs. 148.00 Crore kan hmuh bakah Agriculture Ministry atangin Rs. 52.92 Crore min pek belh chhah bawk a. Kumin atan “Agriculture Link Road” tia kalpui thin chu NLUP avang liau liaua hmuh anih avangin “NLUP Road” tia vuah nise tiin Committee chuan a rel. Kumin atang hian NREGS hnuaiah Agriculture link road khaw tam takah laih a ni a. RKVY hnuaia a bika kan sum hmuh pawh hi hemi atan hian hman nise tiin an rel. Kumin chhunga NLUP Road sial nan Rs. 39.89 Crore ruahman a ni. Hei hian NREGS hnuaia NLUP Road a huam lo.