Planning Commission in 2012 - 2013 a NLUP atan Rs. 370 Crore a lo pek chu NLUP Implementing Board chuan release tura ngenna ni 23.10.2012 khan a thehlut a. Kumina release-na tura proposal an siam ah hian NLUP Implementing Board hian Central Central Cabinet-in NLUP approval a pek laia report-na tur form a lo siam aia chipchiar zawkin report thehluh a ni a. Planning Commission a lawm hle.

Ni 23.10.2012 a proposal lut chu ni 25.10.2012 khan avaiin Rs. 370 Crore release order NLUP Implementing Board hian a dawng nghal. Ni 24.10.2012 hi Central Sawrkar ah General Holiday a ni a, ni 2 chhungin Rs. 370 Crore release-na order hi Planning Commission in a lo ti fel mai hi NLUP an tuipui zia leh Central Sawrkar-in an support zia tih lanna ropui tak a ni.

Kumina Mizorama pek a tiam hian Planning Commission in NLUP atana kum 3 chhunga a bika min pek hi Rs. 838.82 Crore a tling ta.

NLUP hmalakna hi chak takin Mizoram hmun hrang hrangah kalpui mek zel a ni a, vawiin pawh khan Lungdai khua a NLUP sum leh hmanraw dawngtu thenkhat chu an hnathawhna hmunah an hnathawh enpui a ni.

Thingzai khawl dawngtu zinga pakhat Pu Lallianhlira chuan sorkar-na chelhtu party congress ni lo, MNF Unit Treasurer nilai (Unit President thin) hian kan neih suma kan neih phak loh, Thingzai khawl tha tak mai sorkar-in an pe ve ta mai chu lawmawm a tih thu a sawi a ni.