Soil & Water Conservation Deptt. Hnahthial Division chuan vawiin khan an office-ah  NLUP trade hnuaia Coffee leh Broom thlangtu Thingsai, Aithur, Khawhri, Tarpho leh Lungmawia chhungkaw 45 hnenah tanpuina pawisa leh Coffee tiak an sem.

Pu V. Vanlawma Divisional Officer chuan NLUP dawngtute chu an dawn chhan ang taka hna thawn nan an sum dawnte hmang turin a chah a, sorkar-in eizawnna bul min tan sak hi a lawmawm hle a, kan tu leh fa te thlenga harsa lutuk lova kan awm theihna tura a duan a nih avangin work calendar ang hian hna thawk ula, keini pawhin hemi ang hian kan rawn endik thin dawn a ni a ti a, fimkhur tak leh a tha thei ang ber a hna thawk a, hlawhtlinpui ngei turin a chah a ni.

Soil Dept hian Coffee thlangtu chhungkaw 44 hnenah Rs. 64,400 theuh leh Coffee tiak 1000 theuh in an sem a, Coffee bikah avaiin Rs.  28,33,600 leh Hmunphiah (Broom) thlangtu chhungkaw 1 hnenah Rs. 26,600 an sem a, vawiina an pawisa sem zawng zawng hi Rs. 28,60,200 a ni.

Attachment

  • Loading attachment...