Sorkar laipuiin New Education Policy duan a tum mekah thupui thlanchhuah hmangin vawiin khan SCERT Auditorium-ah NERIE Shillong buatsaihin Consultation Meeting neih a ni a, School Education Secretary Pi Manisha Saxena chuan khuallian niin a hmanpui.
Pi Manisha Saxena, Commissioner & Secretary, School Education, Mizoram chuan hetiang a policy thar duannaa atel ve theih avanga lawmthu sawiin meeting-a telte chuan recommendation an siam turah rilru zau tak pu chungin naupangten zirlaia an hmasawnna tur ngaihtuah turin a fuih a, naupangte zirlai turah chuan a chhung thu bakah khua leh tui tha ni tura ngaihtuahna an hman thiam theihna tur, ngaihtuah turin meeting-a lokal te a chah. Zirna hian hmunzau taka an tih theih thil zirte an thiamna bakah an mahni local knowledge an neih zau leh zual theihna turin recommendation siamnaah ngaihtuah tel ni se tiin tunah chuan khawvel a zim tawh a, engpawh hi awlsam taka hriat zung zung a awl tawh a, hetiang hmachhawn thiam tur hian kan naupangte thuam that a ngai bawk a ni a ti.
Vawiin hian School Education atana thupui thlanchhuah 13 zinga thupui 11 hmangin consultation hi neih a ni a, NERIE Shillong atanga mithiam lo kalten heng thupuite hi an sawihawn hnuah sawihona hi neih zui a ni.
Consultation-ah hian IASE a mithiam thenkhatte, University leh College a thawk thenkhatte, School Education Directorate-a Deputy Director leh a chung lam te, District tina DEO leh SDEO zawng zawngte, SCERT-a officer te, RMSA leh SSA Officer te, DIET a Principal te, zima lama mi challang leh Teacher Association hruaitute leh zirlai pawl hruaitute an tel a ni.
Kum 1986 khan National Policy on Education chu duan a ni a, chu chu kum 1992 khan siam danglam leh a ni. Hemi atang hian zima kalphung ennawnna atan vawi engemawzat tihdanglam a ni a. Sorkar laipui chuan National Education Policy hi zima tha, zima tihdanglam leh zir zau zelna atan te mipui mamawh danglam zel phuhru tur zawnga phurhchhuah hi a duh dan a ni a, zirlaite an mamawh thiamna leh hriatna pek leh science, technology, academics leh industry a mihring indaih lohna tibova, India ram hi hriatna chungchuang neihtir a tum a ni. Hemi atan hian sawiho tur thupui hlawm lian tak tak 33 chu thlan chhuah a ni ta a. Heng thupuite hi hlawm hnih - School Education atan 13, Higher Education atan 20-a then a ni.
Meeting hi Pu K.Lalthawmmawia, Director, School Education, Mizoram in a kaihruai a, New Education Policy chungchanga zirtirna rawn pe tur hian NCERT, New Delhi atangin mithiam pakhat (l) leh NERIE, Shillong atangin mi pathum (3) an lokal a ni. He Meeting-ah hian School Education huamchhunga sawikhawm tur (theme) 11 (sawmpakhat) te uluk taka zir ho a ni:-
1. Ensuring Learning Outcomes in Elementary Education.
2. Extending outreach of Secondary and Senior Secondary Education.
3. Strengthening of Vocational Education.
4. Reforming School Examination Systems.
5. Revamping Teacher Education for Quality Teachers.
6. Promotion of Information and Communication Technology systems in school and adult education.
7. New Knowledge, pedagogies and approaches for teaching of Science, Maths and Technology in School Education to improve learning outcomes of students.
8. Enabling Inclusive Education- education of Girls, SCs. Sts, Minorities and children with special needs.
9. Promotion of languages.
10. Comprehensive Education- Ethics, Physical Education, Arts & Crafts, Life Skills.
11. Focus on Child Health.
Jun 18, 2015 khan Art & Culture Auditorium Berawtlang-ah District tina School Education Officer kokhawmin School Education Minister hovin New Education Policy chungchangah hian Consultation neih a lo ni tawh bawk.
