Lunglei khawchhunga kawngpui siamthat ngaite bawhzui tura din Internal Roads Committee chuan vawiin khan an Chairman Lunglei DC Pu Ashish Madhaorao More hovin Lunglei khawchhung Veng hrang hrang kawng chhe zualte tlawh tanin, hmalak dan tur an sawiho.

Lunglei DC leh Committee Chairman Pu Ashish More hi Lunglei DUDO Pu Albert Vanlalliantluanga leh NBCC Engineers ten an tawiawm a, vawiinah an Veng tlawhte chu - Electric Veng, Luangmual leh Venglai - a ni a. Internal Roads Committee chuan Lunglei khawpui chhunga Veng dangte pawh an tlawh zel ang a, kawng siamthat laite an rawn enfiahin an chhinchhiah zel dawn a ni.

Lunglei khawpui chhunga kawng siamthat hna hi 10% lumpsum grants under NER kaltlanga thawh a ni dawn a, hemi project atana sum dah chu Cheng vaibelchhe 24 a ni.