January 17th, 2014-a NLUP Implementing Board thutlukna angin NLUP tanpuina dawngzui tlak leh review ngaite list February 7th, 2014 chhungin mahni D.C. theuh te hnenah khaw tina Committee ten submit tur tiin NIB in thuchhuah a siam a. He thutlukna dungzui hian hmutlaka ngaihte hnenah NLUP tanpuina sem chhunzawm mek a ni. Khaw tamtak atanga hmu zawm tlak leh review ngaite report dawn a nih loh avangin duh angin tanpuina sem a kalchak thei lova. 2nd Phase beneficiary pawisa la dawng kim lo khua zawng zawng ten a hma thei ang berin mahni D.C. theuhte leh NLUP office-ah thehluh tur a ni. Thehlut hmasa apiangte hnenah tanpuina sem chhunzawm a ni ang.

NLUP 3rd leh 4th Phase beneficiary te leh an Trade thlante review na 10th March, 2014-ah neih a ni dawn a, he Trade review hi NLUP Implementing Board member te leh D.C. ten an buaipui ang. Hemi chungchanga rawtna nei apiang ten D.C. emaw Implementing Board-ah thehluh tur a ni. Trade review zawh veleh 3rd leh 4th Phase beneficiary te hnenah tanpuina sem chhunzawm a ni ang.