26th Assam Riffles chuan kum 3 kalta chhuaga Mizoram hmu hrang hranga mipui vantlang te tana an hmalakna leh an hna thawh langsar deuh te thuchhuah siamin an tarlang a. Heng an hmalakna te hi a mamawhtute tan a remchan dan anga la chhunzawm zel tur a ni.

26th Assam Riffles te chuan thingtlang a Sikul hrang hrang ah te tanpuina an lo pe tawh thin a, tunhnai khan an Military Civil Action programme hnuaiah Holy Heart School, Kolasib leh Chiahpui High School, Chiahpui khua te hnenah Computer sets, Printer leh sports bungrua an pe a. Sipai tang duhte tan Aizawl ah zirtirna December 9, 2013 leh January 13, 2014 inkarah te leh January 16, 2014 leh February 04, 2014 inkarah te hlawhtling takin a huaihawt a.

December 14, 2013 khan Kawlbem khua ah damlo leh mamawhtu te tan a thlawna Doctor te hnena inentirna hun a buatsaih a. He Medical Camp pan tu mi 410 te chu Doctor ten a thlawnin an hriselna te an endik sak a ni.