New Delhi-a Muanna Kutpui hmang tura cham mek, Chief Minister Pu Lal Thanhawla chuan nimin khan Delhi Mizo Inkhawm buatsaih North and Central India Mizo Missionary Retreat 2014 chu All India Prayer Fellowship Campus, Chhatarpur, New Delhi-ah a hmanpui. Kum hnih dana buatsaih thin Retreat hi February ni 28 atanga March ni 2 thleng awh tur a ni.

Chief Minister chuan missionary te tana fuihna leh chona thu tha tak tak a sawi a. Chaw eina atan Rs.10,000/- a thawh bawk a ni.

Retreat-ah hian north India a state 12 atangin missionary 138 telin, kohhran pawl leh para church 32 in an hmanpui a ni. Kohhran hrang hrang Presbyterian, Baptist church of Mizoram, LIKBK, CNI leh MFC atangte in pastor engemawzah an tel a ni.

Vawiin khan Chief Minister te nupa hian New Delhi-ah Billy Graham Evangelical Fellowship buatsaih 'Festival of Peace', Muanna Kutpui ah khuallian ni bawkin an hmanpui bawk a ni.