Tun thla ni 27-a Aizawl lo thleng Pu Vikram Shrivastava, Senior Consultant, Planning Commission, Govt. of India chuana lo thlen velah NLUP Conference Hall-ah Mizoram Sorkar Department hotu pawimawhte meeting a neih pui a, hmasawnna atana hmalak hrang hrang te an sawi ho.

Nimin khan Bukvannei khua a Red Oilpalm herna Godrej Agorvet ten an buatsaih chu tlawhin Oilpalm chingtute hnathawh a en bawk a. Vairengte-a Soil & Water Conservation Department in Rubber Nursery an siam chu a tlawh bawk.

Tukin zingah khan Falkawn-a Refferal Hospital, Lal Thanhawla Auditorium, Rajiv Gandhi Stadium leh Chite-a Horticulture Nursery a tlawh bawk.

Pu Shrivastava hian Delhi-a haw hmain Chief Secretary Pi L. Tochhong hnenah a thil tlawh leh a hmuh te chu sawipuiin lawmawm a tih thu a sawi a, Delhi panin a thlawk haw ta a ni.