Vawiin dar 11:00 khan Champhai DC Conference Hall-ah Champhai District-a NLUP Implementing beneficiaries te trade thlan siamrem dan tur sawiho a ni a, he hun hi NLUP Implementing Board Secretary Pu Zorammawian a hmanpui.
He meeting Champhai DC, District Level Implementing Committee Chairman ni bawk Pu Vijay Kumar Bidhuri kaihhruaiah hian Champhai District chhunga NLUP dawng tura thlan zat chu chhungkaw 5946 an nih thu leh chhungkaw 5910 hnenah NLUP sum pek an nih tawh thu tarlana a ni a, chhungkaw 34, sum la dawng lo te hnena sum pek dan tur leh Department hrang hranga sem rual dan tur ngaihtuah a ni. Champhai District-ah hian Antorickshaw trade mi 5 hnenah chauh pek theih tura ruahman anih laiin he trade thlantu hi mi 100 thelh an awm a, Autorickshaw trade thlangtu, NLUP dawng tua thlan tawh si te chu karleh Thawhtan (2.5.20110) ah Sub-Divisional Industry Officer's (SDIO) Office, Champhaiah in report tur a ni a, heta tang hian a siamrem dan tur ngaihtuah zui sak an ni dawn a ni. Autorickshaw trade thlantute bak hi chu an trade thlan thlakthleng phalsak an ni tawh lovang tih an tarlang bawk.
NLUP Implementing Board Secretary Pu Zorammawia chuan NLUP then khatna kan semah khan thil fel tawk lo a awm nual tih kan hria a, NLUP sem thawh hnihna atang chuan fel zawka hmalak kan tum a ni, a ti a. Chief Minister leh Senior Minister ten an sawi fo thin angin hma la tha lo an awm chuan Line department ten rawn ziak ula, kan tih tawp sak hmiah zel ang. Rulling party an nih avanga hma la tha duh lo te avangin NLUP hi a hlawhchham kan phal dawn lo a ni, a ti.
NLUP Implementing Board Secretary Pu Zorammawia chuan NLUP then khatna kan semah khan thil fel tawk lo a awm nual tih kan hria a, NLUP sem thawh hnihna atang chuan fel zawka hmalak kan tum a ni, a ti a. Chief Minister leh Senior Minister ten an sawi fo thin angin hma la tha lo an awm chuan Line department ten rawn ziak ula, kan tih tawp sak hmiah zel ang. Rulling party an nih avanga hma la tha duh lo te avangin NLUP hi a hlawhchham kan phal dawn lo a ni, a ti.
