NLUP hnuaia hmalaknate leh hlawhtlinnate tlangzarh tura District leh Block Level-a Special Campaign kalpui tur chungchangah vawiin khan Aizawl DC Dr. A. Muthamma kaihhruaiin DC Conference Hall-ah meeting neih a ni.

Special Campaign atan hian NLUP Line Department tin te chu Fair-cum-Exhibition neih tur atan lo inbuatsaih lawk tura tih niin, photo exhibition atan thlalak bakah fair-a beneficiary ten an thil tharchhuah emaw siamchhuahte an pholan tur inhmakhua theih nan hmalak tura hriattir an ni a. NLUP kalpui tan a nih atanga tun dinhmun thlenga sum sem a nih dan te leh, NLUP tanpuina an dawn hnu a beneficiary-te chhungkaw sum lakluh danglam dante chu Line Department ten record felfai taka an neih beisei a nih thu meeting-ah hian sawi a ni.

Vawiin meeting-ah hian NIB leh Aizawl District chhunga Line Department tin aiawhte bakah NIB thawhpui NGO aiawhte an tel bawk a ni.