BRC Hall, Darlawnah bialtu MLA leh Govt. Deputy Chief Whip Pu R.L. Pianmawia chuan July ni 30 khan Agriculture Department hnuaia NRC I leh II thlangtute hnenah NLUP a sem.

NLUP semna inkhawm hi training programme anga hman nghal niin Pi Zothansangi Sailo, DAO, Aizawl chuan a kaihruai a. Agriculture Extension Officer Pu H. Neihchhunga’n NLUP sum hman dan chungchangah training a pe a, NLUP hi khaw pakua (9) : (1) Darlawn, (2) Chhanchhuahna, (3) Sawleng, (4) N. Serzawl, (5) Kepran, (6) Sunhluchhip, (7) Ratu, (8) Mauchar, (9) Zohmun te hnenah sem a ni a a vaiin mi 80 te hnenah Rs. 16,95,000 sem a ni.

Tuivawl bialtu MLA Pu R.L. Pianmawia, Deputy Chief Whip chuan mipui te chu an sum dawnte chu a hmanna tur dik taka hmang turin leh mahni theuhah he scheme hi a tihlawhtlingtu ka ni em tiin in zawt theuh tur leh an hmang dik lo anih chuan a tuartu chu anmahni tho an ni tih hre turin a chah.

NLUP sum hi khaw tina beneficiary pakhat hnenah zel Deputy Chief Whip hian a sem a. A bak zawng hi Circle Incharge te’n an bial theuhah an sem chhunzawm a ni.