Vawiin khan Kolasib District chhunga NLUP 3rd & 4th Phase hnuaia Vawk vulh thlangtu beneficiary 455 te hnenah tanpuina pawisa fai sem a ni.
Dr.Engkunga Chhangte D.V.O chuan thu sawiin Sawrkar hmalakna hnuai ah tanpuina heti zatin an dawng hi lawmna chang an hriat a tul a. "Tanpuina petu Sawrkar duh dan tihlawhtling tur a tanlak hi in mawhphurhna a ni" a ti. District tam zawk ah Vawk note hla tak atanga lak an sem laiin Kolasib District chu kan intodelh a, mahni District thar chhuah kan sem thei a, a lawmawm hle a ni a ti. Sawrkar Policy hnuaiah sem leh tur anih chuan nangmahni ho thar chhuah ngei hi sem theih kan inbeisei a ti bawk.
Vawiina sum sem chhuah zawng zawng hi Rs.15,36,990.00 ani a. Kolasib District a NLUP hnuaia vawk vulh tanpuina dawngtuten an dawn tur zawng zawng an dawng zo tawh a, tanpuina dawngtu mi 1250 hnen ah Vawk note 7500 sem tawh a ni.
