Vawiin khan Agriculture Conference Hall-ah Agriculture Department hnuaia A.E.O chin chunglam Officer-te tana buatsaih, 'Technical Training on NLUP' neih a ni. Training hi Pu C. Lalniliana, Joint Director (MMA) chuan kaihruaiin Mizoram Sorkar Flagship Programme - NLUP hi chhungkua 1,20,000 lai dawmkanna tur a nih avangin hlawhtling ngei tura a thawktuten uluk taka lo inzir hmasak a ngaih thu a sawi a.  Pu C. Lalzarliana, Joint Director of Agriculture chuan Training Sawihawnna neiin Pu Rohmingthanga Colney, Deputy Director (Extension) chuan Power Point Presentation hmangin NLUP hnuaia Agriculture Department hmalakna tur zirtirna a pe a, Sawihona neih chhunzawm a ni. 

NLUP Technical Training-ah hian Pu C. Lalzarliana, Joint Director of Agriculture chuan, "NLUP hi Sorkar Flagship Programme a nih avangin tumahin kan ngaihthah thiang lo. NLUP hi hlawhtling taka kalpui tum a nih avangin ngaihtuahna tak tak sen a tul a, chumi atan chuan Agriculture Department hnuaia hmalakna tur reng rengah Field Officer-ten mawhphurhna lian tak kan nei a, Department dangte aia hlawhtlinpui tura tan kan lak a tul a ni," a ti a.  NLUP hnuaia Agriculture Trade thlangtute chu Beneficiary Card siamsak an ni ang a, an hnathawh pawh uluk takin kan enpui tur a ni tiin Officer-te chu a fuih bawk.

Directorate of Agriculture leh District hrang hrang atangin Agriculture Department hnuaia Officer 70 vel he training-ah hian an tel a ni.