Vawiin chhun dar 12 khan " Anti Tobacco Squad " Saiha te buatsaih in D.C's Conferance Room, Saiha-ah Saiha Khawpui-a " Air Quality Monitoring Result " meizuk khuk tamna leh tlemna ber  hmun te puanna hun hman a ni.

He hun hi Pu Kunal IAS, Deputy Commissioner, Saiha District chuan a kaihruai a, Pu Vabeirona Hlychho, District Co-Ordinator ( South Mizoram ) Mizoram State Tobacco Control Society ( M.S.T.C.S ) pawhin he hun hi a hmanpuia, Saiha District chhunga hma lak dan tur hrang hrangte sawi langin vaihlo leh a kaihhnawih chi hrang hrang heng Cigaretes, Tuibur, Zozial, Khaini, Tiranga leh Gutkha zuartute hnena warning a lo pek tawh angin heng vaihlo leh a kaihhnawih thil te hi Anti - Tobacco Squad chuan zuar an la awm chuan COPTA- 2003 tlawh chhanin an thil zawrhte a man sak zel tur thu a sawi bakah englai pawhin Anti Tobacco Squad ten an check thut thut dawn a ni, a ti bawk. Heng bakah hian COPTA -2003 bawhchhia-a Mipui punkhawmna hmun , Zirna in, Bazarna hmun, Office, Restourant, Hotel leh mipui zin veivahna lirthei chhungah mei zu leh Kum 18 hnuailam naupangte hnena vaihlo zial zuartute chu dan anga na taka hrem an nih tur thu a sawi bawk ani.

He hunah hian Saiha Khawpui chhunga Meizuk tlemna ber hmun-ah Superitending of Police Office chu puan a ni a. District Bawrhsap chuan " Zamzo Award " a hlan nghal a ni, pahnihna chu Treasury Office, Saiha ani. Meizuk tamna ber hmunah South Gate Restourant chu puan a ni bawk. He hun ah hian tlawmngai pawl hrang hrang hruaitute leh chanchinbu mi bakah department hrang hrang hotute an tel tha hle ani.