Vawiin khan I & PR Auditorium-ah Training of Trainers on NLUP chu Pu P.L. Thanga IAS (Rtd.) Vice Chairman, NLUP Implementing Board hovin neih a ni a. He hun hi Pu Zorammuana, Secretary, NLUP Implementing Board-in a kaihruaia, Power Point Presentation hmangin Pu P.L. Thanga chuan NLUP chungchanga mipuite zirtir dan tur uluk takin Trainers turte hrilhfiahna a nei a. 6.4.2010 NLUP Apex Board Chief Minister hova thukhawm duh dan angin Baseline Survey Report lo siam tawh chu D.C. te hnenah pek kir leh a ni a, mipuite hmuh theih tura pholan a ni. NLUP manual a eligible list thlan dan tur criteria angin paih ngaite paih a, thun belh ngai ngawih ngawiha hriatte chu thun belh leh ni se, a kal dan tur ruahman fel hmaa benficiary thlan ringawt mai lo buaipui hian harsatna tam tak a thlen thei a ni a ti. He hun hi Dr. Robert Rualthankhuma, T.O. NLUP chuan lawmthu sawina neiin hun a khar a ni. He Training ah hian DC hrang hrang aiawhte NLUP Line Department 8 Directorate atanga Trainers tur thlan chhuah te, SIRD, Agriculture (R&E) hnuaia KVK hrang hrang atanga Trainers turte an kal kim hle a ni.

Training of Trainers hi naktuk 5.6.2010 hian I & PR Auditodium ah bawk District hrang hrang NLUP Line Department a Trainers turte tan chhunzawm leh a ni ang