Ni 9.8.2012 (Zirtawpni) khan, NLUP Vice Chairman, Pu P.L Thanga chuan Lunglei District chhunga Sekhum khua a tlawh a, Sekhum khuaa NLUP hmalakna a hmuna a en bakah, khawtlang hruaitute nen hmasawnna kawnga Sekhum khuaain ke a pen zel dan turte an sawi ho. Khawtlang hruaitute chuan, NLUP chuan an khawtlangah hmasawnna nasa taka a thlen tawh bakah tunhmaa an neih ngai loh eizawnna ngelnghet mi tam takin an neih tawh thu Vice Chairman hi an lo hrilh a, an khawtlangin harsatna an neih Tui vanga harsatna pawh NLUP hmalakna hnuaia kumin chhung ngeia Sekhum khuaain tui hniang hnar tak an nei theih nana hmalak a ni chu an lawm hle, tih Vice Chairman hi an lo hrilh a ni.  Sekhum khua hi NLUP ti tha chawimawina dawngtu an ni a.

Sekhum khuaa NLUP hnuaia Serthlum chingtute serhtlum chin chu a rah tan mek tawh a, Serthlum huanah hian Phuihnam, Balhla leh Chingit te an ching a, Pu P.C Zoliana phei chuan a Serthlum huana a Chingit chin atang ringawt pawhin cheng sing chuang a la lut der tawh a ni. Sekhumah hian NLUP 2nd Phase, 2nd Installment chu ni 9.9.2013, Ziirtawpni khan dawngtu turte hnenah pek an ni tawh bawk.

Pu P.L Thanga hian Sekhum bakah, Mizo Lal hmingthang, hmanlai ‘In Sang khua’ awmna Bengkhuaia khua Sailam pawh tlawh nghal a. Selam khuaa Mizo lal Bengkhuauia leh a khuate sulhnu chi hrang hrangte a hmunah a tlawhin, Bengkhuaia leh a khaw pasaltha ten Marry Winchester an awmpuina hmun leh sap hovin an lak letna hmun te,  a tlawh a. Sailam khuaa kan Mizo pi leh pute sulhnu avanga an khawtlanga hmalakna engngee awm tih te a en fiah a ni. Pu P.L Thanga chuan, kan pi leh pute sulhnu chi hrang hrangte mi tam takin a hlutna leh a ropuina hre loin hum halh nachang kan hre lo tawk lo chu chu a tih thu sawiin, kan Mizo Kristian bul intanna hmun Selam khuaa kan pi leh pute sulhnu chu hum halh leh vawnthat a tul thu khawhtlang hruaitute hnenah a hrilh a, An hlutna leh [pawimawhna tak tak hre tura a khua leh Bengkhuaina Lalna hmun ngeia Seminar buatsaih pawimawh a tih thu a sawi.

Pu PL Thanga chuan, Sailam khuaa NLUP hmalakna chungchang pawh khawtlang hruaitute a sawi pui a, a bikin Serthlum chin lamah khaw entawn tlak leh hlawhtling tak an ni chho mek chu lawmawm a tih thu sawiin, Orange Village tih pawh a inhmeh hle nia a hriat thu a sawi. Sailam khuaa Serthlum chingtute hian nikum 2012 chhung ringawt pawhin Serthlum manah cheng nuai 22 chuang an hlawh chhuak a ni.Sailamah hkhua hian Serthlum Chingtu Pawl 

Pu P.L Thanga hi NLUP Chief Media Officer Pu David L. Thanglian, MIS leh department lama mithiam ten in a tawiawm a ni.