Mizoram sorkar Flagship Programme NLUP chuan India ram mai nilovin USA lamah pawh a chanchin hria in Minnesota University, USA atangin mithiam rual Mizoram-ah an rawn kal dawn.

Hemi chungchangah hian vawiin khan Chief Secretary Pi L. Tochhong hovin meeting pawimawh tak neih a ni. Meeting a tarlan dan in Ministry of Food and Agriculture, Govt. of India buatsaihin University of Minnesota, USA leh U.N.O. hnuaia Food and Agriculture Organisation tangrual leh Mizoram sorkar aiawhte chu Delhi ah ni 9.1.2013 ah meeting an nei anga, ni 10.1.2013 ah Mizoram ah Expert Team rawn tirin, ni 26.1.2013 thleng NLUP leh a kaihhnawih an thlithlai ang.

Ni 31.1.2013 ah Mizoram Team te nen Delhi ah meeting nei lehin, February 3, 2013 ah FAO hmunpui Rome ah meeing an nei leh anga, Mizoram aiawhin Pu P.L. Thanga, Member Secretary, Planning and Vice Chairman NLUP Implementing Board leh Er. C. Chawnghnuna, SE, PHE Department te an tel ang.