Vawiin chawhma dar 11:00Am khan No-aotlâh YLA Indoor Stadium-ah Block Mission Management Unit, Mizoram State Rural Livelihoods Mission, Siaha RD Block te buatsaihin Block Level Credit Camp neih a ni.

He hun hi Pu. Ngulzathuama, Block Mission Director leh Block Development Officer, Siaha nibawk chuan kaihruaiin, Pu. K. Vanlalthiana MCS, Deputy Commissioner chu khuallian niin he hun hi a hmanpui a ni.

Vawiin Block Level Credit Camp neihna-ah hian Siaha RD Block hnuaia Chhaolo, Chakhei leh No-aotlâh khua a Self Help Group 46 te hnenah Mizoram Apex Bank, Siaha Branch chuan Rs. 46/-lakh loan a pe chhuak a, SHG pakhatah Rs. 1lakh theuh a pein, SHG member ten eizawnna bul tan nan leh ei leh bara an lo intodelh ve nan a pek an ni.

Khuallian Pu K. Vanlalthiana chuan fuina thu tha tak takte sawiin, SHG tinte hnenah Cheque hlanna hun a hmang nghal bawk.

Vawiin hun hmanna-ah hian Pi. Lalhlupuii, Lead District Manager chuan Financial Literacy Campaing na neihin, SHG member kalkhawmte chuan an hlawkpui hle. Pu. Lalthianghlima, Asst. Manager, Apex Bank, Siaha Branch pawhin thu sawina hun a hmang ve bawk a ni.

Programme kar lakah SHG member atanga zaithiam tak tak zaite ngaithlak niin, hnam lam hmuhnawm tak SHG member ten an entir  bawk. Pi. Vanlalhruaii, Block Mission Manager, MzSRLM, Siaha chuan lawmthu sawiin vawiin programme hi a ti tawp a ni.
atl