3232/2024-2025
Aizawl the 27th November, 2024 : Kum 2024 Krismas leh Kumthar 2025; mitinin dam leh himtlang taka kan hman theih nan Aizawl khawpui chhung hmun hrang hrangah ni 9.12.2024 (Thawhtanni) atangin Aizawl Traffic Police chuan Driving License neilova lirthei khalh, Insurance Certificate nunglo lirthei khalh, Pollution Under Control Certificate (PUCC) nunglo, mipui leh bungraw phur lirthei Fitness Certificate neilo te leh lirthei kaihnawih dan bawhchhiatna hrang hrang avanga vanduaina thleng thei venna atan ‘No Tolerance Drive/Checking' a kalpui dawn a ni.
Lirthei khalhtu zawng zawngte dan zawma; fimkhur taka lirthei khalh turin kan inhriattir a. Lirthei document fel fai tak nei tura lo hmakhua theuh turin kan inngen e.
