3385/2024-2025

2024 Pawltlak thla ni 5: Vawiin khan Lunglei District Superintendent of Police Pu J. Lalmuankima chuan Lungleia No Tolerance Week kalpui tur chungchangah a hnuaia mi ang hian hriattirna a chhuah.

"Kum 2024 Krismas leh Kumthar 2025 lo thleng turah hian Lunglei mipui leh Lunglei khawpui pal tlang khualzinte'n hun hlimawm tak leh thlamuang taka kan hman theih nan Dt. 16.12.2024 - 21.12.2024 inkar hian Lunglei Traffic Police-in Lunglei khawpui chhung hmun hrang hrangah 'No Tolerance Week' an nei dawn a. Hemi hun chhung hian a bik takin Driving Licence, Insurance Certificate, Pollution Under Control Certificate (PUCC) leh Fitness Certificate fel loa lirthei khalhte lakah khauh takin dan anga hma lak a ni dawn a. Hemi bakah hian rui chunga lirthei khalh, mi dang tana hlauhawm khawpa lirthei khalh te, chak tak taka khalh ṭhinte leh silencer/exhaust ring uchuak tak hmanga khalhte chungah pawh dan anga hma lak tum niin, na taka hremna pek a ni ang. Heti ang laka lirthei khalhtute kan fihlim theih nan fimkhur taka lirthei khalh tur leh kan documents fel lote tifel ṭheuh turin kan inngen bawk a ni. Mipui kea kalte pawh footpath hmang ṭangkaiin, lirthei che vel lakah fimkhur tlang ṭheuh turin kan inngen e."