3609/2024-2025

2024 Pawltlak thla ni 19: Vawiin khan Lunglei District Superintendent of Police Pu J. Lalmuankima chuan December ni 16 - 21, 2024 inkar chhunga Lungleia Traffic Police-in 'No Tolerance Week' an kalpui mek chungchangah a hnuaia mi ang hian mipuite hriat tur thu a chhuah.

"Mipuiin Christmas leh kum thar hlim taka kan hman theih nan, Lunglei Traffic Police-te chuan ni 16.12.2024 aṭangin 'No Tolerance Week' an hmang ṭan a, lirthei fit lo leh document tifel loa lirthei khalhtute chungah dan angin hma an la zel a ni. 'No Tolerance Week' denchhen hian dan lova two wheeler silencer/exhaust ri ring Traffic Police-in an man khawmte chu Court thuchhuak angin a vawi hnihna atan Lunglei Police Station kawtah tihchhhiat a nih hnuah thirchhia anga hralhin, sawrkarah a hralhna sum hi theh luh tur a ni. Rui chung leh kum tling lova lirthei khalh mante lakah ngaihhnathiamna a awm lo ang. Two Wheeler silencer/exhaust ri ring lutuk hmangte chungah pawh dan angin hremna pek zel an ni ang. Khawpui chhungah Traffic Police te ngawrh takin an duty dawn a, chu bakah NHIDCL-in National Highway an siam zawh tawh chinah lirthei khalhtute leh zin mite an him zawk nan ngawrh lehzuala duty turin hma lak a ni bawk ang. Lunglei District huam chhunga lirtheia zin harsatna tawkte chuan Lunglei Police Station Officer-In-Charge (Contact:8974637760) emaw, Traffic-In-Charge (Contact:8974637603)-ah te hriattir tur a ni. Mipuite'n kan khawpui chhunga footpath siamte lirtheia intihpalhna awm thei kan pumpelh theih nan a ṭangkai thei ang bera hmang turin ngen kan ni bawk e."