Notification No. TRF-A/RO-53 (Notification) 2011/109 Dt. 19.12.2011 angin No Vehicle Zone chu ni 23, 24 leh 31 December, 2011 zing dar 11 am - 4 pm chhungin hman a ni leh dawn a. A hnuai ami ang hian Action Plan duan a ni a, mipuite leh Lirthei khalhtu zawng zawngten zawm ngei turin Traffic SP chuan a ngen a ni
Zodin Assam Rifles Mandir bul Traffic Island leh Chanmari Presbyterian Biak In inkar kawngpui.
1. Chhimlam atanga Hmarlam pan tur Lirthei 407 chin chunglam tiam lovin ‘No Vehicle Zone’ lut lo in Aizawl Temple atanga kalin Vaivakawnah, Hunthar Veng ah Sairang Road kawngpuiah an chhuk thla ang. LMV leh Two Wheeler, 407 leh a tlukpui te huam lovin Chanmari West kaltangin an kal thei ang, emaw Sikulpuikawn Republic Road lamah kalin College Veng, Chhinga Veng lamah kal in ‘No Vehicle Zone’ an hel thei bawk ang. 407 Truck chin chunglam Chhim lam atanga Hmar lam pan turte chuan Khatla kawn atangin New Secretariat Complex tlan tlangin Chawnpui Chhangurkawn leh Vaivakawn kal tlangin ‘No Vehicle Zone’ an hel thin ang.
2. Hmar lam atanga chhim lam pan turte reng reng chuan Chanmari Presbyterian Biak In helin Chanmari West lamah tlan thlain Vaivakawn kaltlangin Aizawl Temple lamah an kal ang, emaw Bawngkawn leh Ramhlun atangin Ramthar, Electric Veng, Chhinga Veng leh Bathlehlem Veng kaltlangin an kal thei bawk ang.
3. ‘No Vehicle Zone’ hman anih chhung hian Chanmari kawng hnuaiah kalin Electric Power House thlengin Drop leh Pick-up turin Maxi Cab hnuai lam chin chauh lutin an chhuak thei ang.
4. Chanmari Hrangbana College junction atangin Government High school lamah Drop leh Pick-up turin luh theih a ni ang a, Zarkawt kawn lamah luh thlak theih a ni lo ang. Hemi kawngpuiah hian lirthei eng chi mah kawngpui sirah dah phal a ni lo ang.
5. Ramthar Sihpui lam atanga lokalte chu Modern School bulah kual thla in, College Veng lamah leh Chhinga Veng lamah an kual let thei ang.
6. No Vehicle hman anih chhung hian Zone chhung helna kawng pawimawh chhuah lam leh tlak lam i.e. Aizawl Temple leh Vaivakawn inkar te, Vaivakawn leh Chanmari West peng inkar te, Sikulpuikawn leh Ramhlun inkar Republic, College Veng, Chhinga Veng, Electric Veng leh Ramthar Veng kaltlang kawngpui dungah Lirthei inpelhna dal thei eng lirthei mah dah phal a ni lo.
7. City Bus, Taxi leh Private Motor Bazar kal tur in drop leh hruai turte chu chhim lamah canteen kualah an kual ang a, Hmar lamah Chanmari Biak In helin an kual let leh ang.
