NLUP Nodal Minister Pu H. Liansailova hovin vawiin chawhma dar 11 khan NLUP Implementing Board chu Secretariat Conference Hall-ah an thukhawm a. Line department hrang hrang ten hma an lak chin te sum hman dan leh tanpuina sem chin te an thlirho a Trade thlan chungchanga harsatna awm te siamrem dan tur te an rel ho.
NLUP beneficiaries ten an mamawh tur bungrua/khawl lei ngaite man to lutuk ni lo a, man tlawm zawka an lei theih nana ruahmanna siam sak dan tur te, beneficiaries thlan chungchangte training buatsaih leh fund pek chhuah chungchangte hmalakna bawhzui chho zel dan tur leh tul dang hrang hrang te an ngaihtuah ho bawk.
NLUP Nodal Minister Pu Liansailova chuan member te hnenah thu sawiin Mizoram lei chu engkim that theihna a nih laiin kan ram leilung hausakna kan hmang tangkai tawk lo hle a ni a ti. NLUP chu ram hausakna kan haichhuahna tura Pathianin min duat sak ni a a hriat thu a sawi bawk. Central Sorkar hotute pawhin NLUP chu min tui pui in an in hawng em em a ni tiin Minister chuan duham taka sum tam tak dil ringawt chu a tha ber lo a kan dinhmun leh zawh tawk mil a min pek te hi Mizoram state lian lo tan chuan hma lak puina tham a tling a ni a ti bawk. NLUP chu Mizoram siam that nana a bulpui leh pawimawh ber te zinga mi a nih avangin tun a tanpuina sem chhuah mek te pawh hi ngun taka vil a endik zel a ngaih pawimawh thu a tarlang bawk.
NLUP Implementing Board meeting Chairman Pu R. Selthuama kaihhruaiah hian NLUP Marketing Chairman Wgd. Commander Pu Lalnghinglova'n thenawm Tripura state in thlai an sawngbawl dan leh hralh chhuah dan te zir chiang tura an tlawhna report a pe bawk a. India ram a rubber siam chhuak tam ber dawttu Tripura in an buaipui dan te lakhuihtheih an sawngbawl dan leh duh duh hun a an rah tir dan te mau ro bung chhia hmanga kawlphetha an siam chhuah dan te sawiin Mizoram in entawn tur kan neih leh engtinnge hma kan lak ve theih ang tih te ngaihtuah mek a nih thu te a sawi fiah bawk.
NLUP Nodal Minister Pu Liansailova chuan member te hnenah thu sawiin Mizoram lei chu engkim that theihna a nih laiin kan ram leilung hausakna kan hmang tangkai tawk lo hle a ni a ti. NLUP chu ram hausakna kan haichhuahna tura Pathianin min duat sak ni a a hriat thu a sawi bawk. Central Sorkar hotute pawhin NLUP chu min tui pui in an in hawng em em a ni tiin Minister chuan duham taka sum tam tak dil ringawt chu a tha ber lo a kan dinhmun leh zawh tawk mil a min pek te hi Mizoram state lian lo tan chuan hma lak puina tham a tling a ni a ti bawk. NLUP chu Mizoram siam that nana a bulpui leh pawimawh ber te zinga mi a nih avangin tun a tanpuina sem chhuah mek te pawh hi ngun taka vil a endik zel a ngaih pawimawh thu a tarlang bawk.
NLUP Implementing Board meeting Chairman Pu R. Selthuama kaihhruaiah hian NLUP Marketing Chairman Wgd. Commander Pu Lalnghinglova'n thenawm Tripura state in thlai an sawngbawl dan leh hralh chhuah dan te zir chiang tura an tlawhna report a pe bawk a. India ram a rubber siam chhuak tam ber dawttu Tripura in an buaipui dan te lakhuihtheih an sawngbawl dan leh duh duh hun a an rah tir dan te mau ro bung chhia hmanga kawlphetha an siam chhuah dan te sawiin Mizoram in entawn tur kan neih leh engtinnge hma kan lak ve theih ang tih te ngaihtuah mek a nih thu te a sawi fiah bawk.
