Vawiin khan Transport Minister Pu P.C. Zoram Sangliana hovin Kolasib D.C. Conference Hall-ah kumin 2011 YMA General Conference neih dan tur rel ho a ni.
YMA General Conference hi Sub-Hqrs. YMA, Kolasib in a thleng dawn a, a hmun atan Diakkawn Field tih tluk a niin, Conference Organising Committee ah hian Pu P.C. Zoram Sangliana, Kolasib bialtu chu chairman a ni a. Kumin October thla a Conference neihna atana tul hrang hrangte ngaihtuah tur hian Pu Lal Thanzara, Parliamentary Secretary pawh a tel a ni.

Thuhma sawiin Pu P.C. Zoram Sangliana chuan YMA General Conference Kolasib-in a thlen tur kawngah sorkar department tinte chu an theih tawpa tang turin a ngen a. Thianghlim leh felfai taka khawmpui neih a nih theih nan mipui mimir tinte pawh tang tlanga inpui tawn turin a chah a. Conference hlawhtlin nana dpartment hotuten ruahmanna thar an siamte chu bialtu MLA anih angin a theih ang apianga lo bawhzui a tum thu pawh a sawi a ni.

Pu Lal Thanzara, Parliamentary Secretary chuan Kolasib a in leh lo a neih ve avanga mawhphurhna pawimawh tak pek anih chungchangah lawmthu sawiin Conference tih hlawhtlin anih theih nana theih tawp a chhuah zel tur thu leh sorkar leh mipuite nena thawhhona tha tak neih a duh thu a sawi a ni. Pi Niharika Rai, IAS, DC pawhin thu sawiin sorkar hotute chu conference hlawhtlinna tura tun atanga theih tawp chhuah ngahl tur leh an hmaa tih tur awm apiangte khek lova thawk nghal turin a chah a ni.

Committee ah hian Sub-Committee peng hrang hrang 13 atangin an mamawh tur sum ruahmanna budget estimate ngaihtuah a ni a. Hengte hi thutlukna siam ngal lovin reilote a la ngaihtuah zui leh tura tih a ni.

Kolasib Sub-Hqrs. YMA President Pu C.T. Mawia chuan Kolasib-a YMA khawmpui lian thlen tur kawngah YMA te chu a tul ang apiang thawk tura an in peih thu leh bialtu Minister leh sorkar ah te lawmthu he hunah hian a sawi.

Khawmpui hma ngeia Kolasib-a hmun hma khualzin te him theitu cheibawl tha an tih thu Committee ah hian chhawpchhuah a ni bawk a. A tul anga hmalak anih tur thu Minister Pu Ramsanga, Art & Culture changtu ni bawk hian a sawi a ni.