Member of Parliament (Lok Sabha) inthlanna tura Candidate din tum te Nomination Papers chu vawiin chawhma dar 11:00 khan Observer leh Candidate aiawh te hriatpuiin Returning Officer-in a endik (Scrutiny) a, Nomination lut 4 te chu pawm an ni.

Scrutiny neih zawh hnu hian Independent Candidate Pu Vanlalngaia chuan a Nomination thehluh hi a hnukdawk a ni.

Inhnuhdawhna hun atan hian ni 26.3.2014 tlai dar 3:00 thleng hawn a ni a, chumi hnuah Candidate tur final list tihchhuah a ni ang.

Vawiin chawhnu dar 1:30 khan Observer hovin inthlannaa duty tur Polling Personnel 2nd Randomisation neih a ni a, duty tur team te siam fel niin an duty-na tur bial Assembly Constituencies te ruat fel nghal a ni a, ni 27 leh 28 March, 2014 ah khian heng te hian Training an nei chhunzawm nghal dawn a ni.