3959/2023-2024

Lunglei; the 26th February,2024: Vawiin chawhma dar 11:00 khan DC conference Hall- ah District Health Society member te chu an chairman leh district bawrhsap ni bawk Pi Ramdinliani IAS, hovin Non-Communicable Diseases(NCD) chungchangah hmalak dan tur relin an thukhawm.

Mizoram chhungah hian Non- Communicable Diseases ( Inkaichhawn theihloh natna) heng: Cancer, Hypertension, Stroke, Diabetes. etc. te hian nunna hlu tak a  suat nasa tawh hle  a. Khawvel pumhuap pawhin NCD hi natna an  thihpui tam ber te zing a mi a ni. Lunglei district-ah pawh “Indian Journal of Medical Research” kum 2021 a published in a tarlan danin, thihna thleng zinga 26% chu NCD vang a ni. Hetiang a nih avang hian Lunglei district mipui ten NCD laka nunna hlu tak kan hloh tawh loh nan engtia hmalak tur nge tih relin vawiinah khan District Health Society member te hi an thu khawm a ni. Vawiin meeting chuan Awareness Campaign leh NCD Screening Drive beihpui thlak dan tur leh a kaihhnawih thil pawimawh tam tak  te ngunthluk taka sawi ho a, rel a ni.