999/2022-2023
Aizawl the 22nd June, 2022 : The Economic Times Business Verticals bustsaih North East Connect, June ni 22-23, 2022 chhunga neih tur chu Pu TC Pachhunga, Hon'ble Vice Chairman, Mizoram Tourism Development Board hovin Tourism Department Officials ten Delhi ah an chhim.

He ni hnih awh programme- ah hian North East a tourism leh hospitality lama mi pawimawh te sawm khawm niin panel discussion te neih a ni a, North East ah tourism-in hma a sawn theihna tur leh a changtlung zawk theih na tur te sawiho a ni a. North East Connect ah hian Mizoram Tourism chu State Partner niin Mizorama tourism dinhmun tlangpui te tarlan a nih bakah Mizoram ah investors te tan an inhawn thu sawi a ni bawk.

A ni khat ni hi Hyatt Regency Hotel ah neih niin Nakap Nalo, Arunachal Pradesh Tourism Minister leh Arvind Singh, Secretary, Ministry of Tourism, Government of India te khual zahawm an ni a, travel and hospitality mi leh sa leh North East State Tourism Department Officials mi za chuang in an chhim a ni. A ni hnihna hi virtual a neih tur a ni a, www.travel.economic.indiatimes.com ah a duh apiang tan chhim theih a ni ang.