Industries Minister Pu S. Hiato leh Pu P.C.Lawmsanga IPS, Principal Secretary, Industries Department te NEIIPP Mid Term Appraisal meeting Guwahati a neih ah an tel a. He Meeting hi Assam Industries Minister Pu Bradyut Bordoloi in a kaihruaia. Sikkim atangin Industries Minister bakah Nagaland leh Assam Parliamentary Secretary te leh North East State hrang hrang Principal Secretary leh Commissioner kal khawm ten he Mid Term Appraisal meeting ah hian harsatna te an sawi ho a ni.

NEIIPP implement chungchangah North East State ten hamthatna kan hmuh tho rualin a procedure buaithlak lutuk leh 100% Central Excise Duty duhthusam a a hlawhtlin theih loh avanga hmalak zui dan turte rel ho a ni a. Water Ways Subsidy awm mek te pawh Multi Modal Transport Project a hlawhtlin hunah chuan kan chhawr hle tur a ngaih a ni.

He meeting ah hian Pi B. Singh, Joint Secretary, DIPP Government of India pawh a tel a, North East States te harsatna tlangpui te pawh hrethiamin Government of India lamah nawr chhunzawm zel a inhuam nghe nghe a ni.

NEIIPP hmanga Subsidy hmuh theihte hi procedure harsa tak a nih avangin Entrepreneur tam tak ten an chhawr hlei thei lova. Tun dinhmuna subsidy hmuh thin 80% chu transport subsidy a ni a, hei pawh hi check list tam tak avangin buaipui hlawhtlin a harsa tawh hle a ni. Kum 2007 atanga implement tan, tuna Mid Term Appraisal awm ta thu tlukna hi tih hlawhtlin a nih theih chuan North East States a Industrial Unitte tan chuan hmasawnna tha tak a nih theih beisei a ni.

State tin te harsatna tawh a in an tlangpui avangin lungrual taka thawhho zel tumna nen meeting hi tih tawp a ni.