North East Zone Cultural Centre (NEZCC) Dimapur leh Mizoram Sorkar Art & Culture Department bultum North East Seminar-cum-Festival on Folk Drama chu vawiin khan I & PR Auditorium-ah tan a ni a. Seminar hi Mizo Academy of Letters President Pu Lalthangfala Sailo chuan a hawng. Festival hi naktuk chawhma dar 11 atangin Aizawl Vanapa Hall-ah neih a ni ang a, Assam, Manipur leh Mizoram Drama changthiam rual ten pi pu rothil lamhawi drama hmuhnawm tak an entir ang a, mipui a duh apiang tan a thlawna en theih a ni ang.
Seminar hawnna inkhawm hi Pu Ngurbiaka, Joint Director, Art & Culture in a kaihruai a. Seminar rawt chhuah dan leh a pawimawhna te thuhma neiin a sawi. Seminar hawngtu Pu Lalthangfala Sailo chuan Seminar chhim tura Assam leh Manipur atanga palai lokal leh tualchhung mi te lawmna thu a sawi a. Hmarchhak state zingah rau rau pawh Mizoram chu Folk Drama lamah hian bultan ve mek leh hetiang kawnga la hausa lo tak a nih thu sawiin hmarchhak state danga tawngte chu 8th Schedule-ah khung luh an nih tawh laiin Mizotawng pawh khung ve thuai ni thei se a duh thu a tarlang. Ziaka thu dah reng reng chu literature a tling a ni tiin Pu Lalthangfala chuan Mizote pawh thu leh hla ah hian kan thang chak sawt hle a. Chuvangin ziaktute tan tanlak thar sauh sauh a tul thu leh thangthar zingah pawh literature lam hawia tanlak zual a tul thu a sawi a ni.
Seminar-ah hian hmarchhak state te tana Folk Drama lam tuaithar nan leh tih phuisui zelna lam hawia paper present a ni a. State hrang hrang aiawhte thuziak chhiarchhuakin sawihona hun tha tak hman a ni.
Seminar-ah hian hmarchhak state te tana Folk Drama lam tuaithar nan leh tih phuisui zelna lam hawia paper present a ni a. State hrang hrang aiawhte thuziak chhiarchhuakin sawihona hun tha tak hman a ni.
