290/2022-2023
Aizawl the 26th April, 2022 : North East Regional Sports Week in celebration of Azadi Ka Amrit Mahotsav (AKAM) Ni 28 April – 4 May, 2022 chhunga Imphal, Manipur a neih tur atan vawiin khan Mizo infiammite chuan Aizawl an chhuahsan a, Discipline panga (5) – Archery, Badminton, Boxing, Football and Table Tennis-ah te inelna hi neih a ni ang. Mizoram Team hi MST Bus Terminal, Chaltlang atanga chhuakin, Pu T.C. Pachhunga, Vice Chairman, Sports & Youth Affairs, ICT and Tourism SEDP Board chuan duhsakna nen a vailiam a ni.

Mizoram Team hi Chef de Mission Pu H. Laldinsanga, Sports Promotion Officer, Mizoram State Sports Council hovin infiammi 76 (Mipa-44, Hmeichhia-32) leh officials 18 (Mipa-11, Hmeichhia-7) an vaiin mi 94 an thawk chhuak a, Archery team-ah mipa hlang tih loh chu discipline tinah hian mipa leh hmeichhia an inlan kim vek dawn a ni.

Ruahman ang chuan Mizoram Team hian 27 April, 2022-ah Imphal an thleng anga, Khuman Lampak Sports Complex, Imphal leh SAI, NERC, Takyelpat, Imphal-ah te inkulhin he hmunah vek hian intihsiakna hi an nei zui ang.

Mizoram State Sports Council chuan Mizoram Team chu tluang tak leh hlawhtling taka lo haw leh turin duhsakna a hlan a ni.