Sawrkar laipuia Ministry of Sports & Youth Services bultum 3rd North East Youth Festival-a tel turin Mizo thalai te chuan a neihna hmun tur Itanagar,Arunachal Pradesh an thleng tawh a. He Festival, November ni 7 – 9 inkara neih turah hian Mizoram sawrkar Sports & Youth Services Department tirhin mi 64; Nehru Yuva Kendra (NYK) tirhin mi 36 leh National Service Scheme (NSS) tirhin mi 42 te an kal.

Tun tumah hian competitive items leh non-competitive items chi hrang hrang neih a ni dawn a,Mizoram atanga kalte hi an inbuatsaih ngawrh hle a,Contingent Leader atan Pi Lalengvari, Superintendent, Directorate of Sports & Youth Services chu Sawrkar-in a ruat a, hnam lam, hnam ze pholanna thil hrang hrang, rock concert te, adventure programme te leh food craft exhibition te neih a ni ang.