Vawiin khan Aijal Club ah North East Zone Cultural Centre Annual Meeting of the Programme commitee, 2018-19 neih a ni a, he hunah hian Nagaland Governor Shri P.B.Acharya, NEZCC Chairman ni bawk chuan a hmanpui a, Mizoram Governor Lt.Gen(Retd) Nirbhay Sharma, Art & Culture Minister Pu.R.Romawia te bakah Assam, Mizoram, Arunaachal Pradesh, Manipur, Tripura, Nagaland, Sikkim, Meghalaya leh sawm bik engemawzah an tel bawk.
NEZCC Chairman ni lai Nagaland Governor Pu P.B.Acharya chuan India ram hmun hrang hrangah North east state te hi phochhah kanla ngai hle a, NEZCC kaltlang hian kan hnam ziarang phochhuahna leh in unauna tha kan neiha, kan hnam ziarang hrang hrangte in zirsak tawn a, in pawmsak tawn hi a pawimawh hle a ni, a ti. Vawiin a programme commitee ten an rel tur tam takte hlawhtlin nan hian College leh University hmanga inzirtirna tha a pawimawh hle, a ti bawk.
Mizoram Governor Lt.Gen(Retd) Nirbhay Sharma chuan NEZCC Programme commitee Mizorama an hmang thei chu lawmawm a ti a, North east states te pawimawhna tarlangin ramdangte nena ramri intawm Km 4500 zet a awm thute, tribal 213 vel chenna anih thu leh tawng hrang 400 chuang a awm thu te a sawi a. NEZCC hian a tum ber chu heng hnam ziarang hrang hrang humhalhte, inhlutsak tawnnate leh midangte hma a phochhuah kawnga hmalakte anih thu a sawi bawk.
Art & Culture Minister Pu.R.Romawia chuan North east state a chengte hnam ziarang humhalhna leh inpumkhatna tha zawk awm tura NEZCC in hma ala chu lawmawm a ti a, vawiin programme commitee meeting thutkhawmna hian North east state te tan hmasawnna rah tha tak a hrin chhuah ngei a beisei thu a sawi bawk.
Vawiin commitee hi Art & Culture Secretary, Government of Nagaland, Pi Ahola Those, IAS in a kaihruaia, Director, NEZCC Pu Jitul Sonowal in kalkhawmte lawmna thu a sawi bawk. Vawiin NEZCC programme commitee ina a rel tur zinga langsar zualte chu, Discover North east Yatra kalpui dan tur, Painting workshop, Spring festival leh Octave festival buatsaih, Border Area Programme hrang hrang sawi hona leh Umang Festival hman dan tur te a ni.
