3097/2022-2023

Aizawl, 18.12.2022: Vawiin khan North Eastern Council (NEC) Golden Jubilee lawmna Shillong ah Prime Minister Pu Narendra Modi hova neih a ni a. Mizoram atangin Governor Pu Hari Babu Kambhampati leh Chief Minister Pu Zoramthanga bakah official thenkhatin he hun hi an chhim a ni.

Prime Minister chuan he hunah hian project hrang hrang cheng vaibelchhe 2450 man hu lungphum phumna leh hawnna a nei a. India hmarchhak state a hmasawnna hna thawh tur project chi hrang hrang tana lungphum a phum zingah Mizoram tan Daido-Vawngkawt road project pawh a tel a ni.

NEC Golden Jubilee lawmnaah hian Union Home Minister & NEC Chairman ni bawk Pu Amit Shah, Union Minister & NEC VC ni bawk Pu G. Kishan Reddy, Union Minister of State Pu B.L. Verma, Pu Lok Ranjan, DoNER Secretary te pawh an tel a ni.