North Eastern Council (NEC) member Prof. Gangmumei Kamei chu vawiin ni 5 January 2017 hian kum 77 mi niin Imphal, Manipur-ah a thi.

Prof. Gangmumei Kamei hi kum 1939, October ni 21 khan Imphal-ah a lo piang a, Manipur University-ah History Professor niin North East History lam thiam bik a ni. Prof. Kamei hian nihna pawimawh tak tak a lo chelh tawh a, North East India History Association(NEIHA) leh Manipur History Society ah pawh President hna hi a lo chelh tawh a ni. Research papers leh lehkhabu thahnem tak lo chhuah tawhin , Centre for Manipuri Studies and Tribal Research (Manipur University) ah Coordinator a nih angin a kaihhruaina hnuaiah Research Project tam tak tih chhuah a ni tawh a. A lehkhabu ziak lar zual te chu - A History of Modern Manipur (1826-2000), A History of Manipur: Pre-Colonial period, On History and Historiography of Manipur, History of Zeliangrong Nagas: From Makhel to Rani Gaidinliu, Ethnicity and Social Change, Lectures on History of Manipur te an ni.

State Level leh National Level Committee pawimawh tak tak ah telin kum 1984-87 khan Anthropological Survey of India ah Advisory Committee member a ni a. ICSSR panel on Tribal Studies-ah member niin kum 2010 khan Manipuri Sahitya Parishad te chuan History leh Tribal Culture-ah a thawh hlawk em avangin Platinum Jubilee Samman an hlan a ni. Indian Institute of Advanced Study, Shimla atangin National Fellowship hlan a ni bawk.

NEC Secretariat Shillong ah Prof Gangmumei Kamei hriatrengna leh sunna hun hman a ni.