Vawiin chawhnu khan NCC North Eastern Region hotu Maj Gen. SPS Kohli, Additional Director General leh hotu dangten Chief Minister Pu Lal Thanhawla chu a chenna bungalowah an hmu.

Inkawmnaah hian NCC Academy Mizorama hawng turin rem an ti tlang a,NCC Group Hqrs Aizawla dah turin ruahmanna an siam bawk a. NCC Guwahati Region hi Aizawla dah tum a ni a, a hmun atan Turial Airfield hluihlawn tawh hi hman tum anih thute an sawi a. Lungleiah NCC Battalion thar dah tura ruahmanna pawh remtih a ni. Thla hnih chhungin Microlight Aircraft Lengpui Airport ah dah tum ani bawk.

Tun dinhmunah Mizo NCC te hian an ti tha hle a, Mizoram pawh an ti hmingtha hle a. Mizo NCC hi Mizoram sorkar nen tha taka an thawh hona avangin leh Mizoram sorkarin thalaite khawvel thar siamna kawngah nasa taka a thawh chhohna avangin hetiang hmasawnna chak tak hi an thleng a ni.