Vawiin tlaiah khan Governor Lt.Gen.(Rtd) Nirbhay Sharma leh Hmarchhak bial NCC hotulu ber Maj.Gen. SPS Kohli, Additional Director General, NCC Directorate NER ye chu Raj Bhavan ah an inkawm.

Governor hnenah an rawn kal chhan te sawiin Maj.Gen. SPS Kohli chuan an hnachhawp zingah NCC Batallion thar Lunglei din a tel thu a sawi a. NCC Air Wing ah hmalakna nasa zawk kalpui in Aizawl ah NCC Cadet ten Air Show an entir ve theih na tur kawng zawn mek a ni a ti a. Govt. Mizo H/S NCC band chungchang sawi telin India ram a Band thiam ber tih theih in an thiam a an nungchang pawh a mawi a ni a ti a. He NCC band te tan hmasawnna tur kawng zawn sak tum a ni a ti. Mizoram NCC te tana an hmachhawp ah Mizoram sawrkar puih na pawh ngen in Governor chuan a theihtawp a tan lo lakpui zel a tiam a ni. Governor leh a inleng te pual hian Govt. Mizo H/S NCC band ten Band Display hmuhnawm tak Raj Bhavan Circular Lawn ah an entir a. NCC Cadet te chibai in Governor chuan Mizo H/S NCC te chu a chhuan thu a hrilh a, an thiam a tih thu sawiin India President Kawt tual, Rajpath, Delhi ah ngei an thiam thil pholang tur in tan lak pui ah a sawm a ni.

ADG, NER hi a thawhpui Brig. B.Chaterjee, Col. Yudhvir Singh leh Lt.Col. DR Gargy ten an rawn tawiawm a ni.

Attachment

  • Loading attachment...