North Vanlaiphai-a 15th Aug., Independence Day chu tluang tak a hman a ni a, khuallian Pu Joseph Lalhimpuia, Vice Chairman HPC chuan, hnam puanzar a pawt parh a, Govt. High School naupang ten hnam hla an sak zawh ah khuallian chuan thu sawiin mahni a inrelbawl sorkar kan neih theih na tur a tha leh zung bak ah thlirna thui tak neia rim taka min sual chhuah pui tu Mahatma Gandhi leh Jawaharlal Nehru te zahna a hlan thu sawiin India ram a state ralmuang ber nihtheihna tur a khawtlang hruaitu leh tlawmngai pawl hrang hrang te thawh pui naah lawmthu a sawi bak ah hmasawnna leh rethei dawm kanna kawng ah NLUP hmangin Sawrkar chuan inlumlet thlen tir a tum mek a, kum nga chhunga chhungkua 1,20,000 zet tuam thei tur ruahmanna pumpui a tan Additional Central Assistance hnuaiah cheng vaibelchhia 2873.13 lai ruahmana pawm saktu sawrkar laipui chung ah lawmthu a sawi bawk a ni. 

Pu Joseph Lalhimpuia chuan North Vanlaiphai-a Damdawiin, kum 1913 daih tawha Sap hovin an lo sak tawh chu tih changtlun sak a nih dawn thu a sawi a. 1979 khan Mizoram sorkar-in Subsidiary Health Centre (SHC)-ah a hlangkai a, PHC ah te awm chho lehin, 13th Finance Commission hnuaiah PHC building sak that leh Sub-Centre building bakah Staff Quarter Type-II te sak tura ruahman a nih thu a sawi bawk. PHC tanpui nan hian Rs 2000 a pe bawk a ni. Sorkar lam mi pawimawh leh a kal awm deuh a ngaih te chu an kal tha hle tih sorkar lam thunei tute chuan an sawi a.

Khuallian hian  khawtlang hruaitu te pawh kawm in, thil pawimawh chi hrang hrang an sawi ho. Henglai chhehvel hi border hnaih lam a nih avangin, venhimna kawngah pawh police department  lam tih chak a thuam that a tul thu te ngaihthlak a ni a. Rikrum thil thu leh engemaw ah pawh police dinhmun chu a chau hle a hriat a ni bawk.