2389/2026-2027

Aizawl the 28th September, 2026: Mizoram Legislative Assembly Speaker Pu Lalbiakzama leh Norway-a India sawrkar palai Gloria Gangte nen September ni 27 (Pathianni) khan Indian Embassy-ah an inkawm.

Commonwealth Parliamentary Conference - Cape Town, South Africa-a a tel hnuin sawrkar laipui Ministry of External Affairs-in ruahmanna a siamsak angin Post Conference Tour an neih chhunzawm a. France, Switzerland leh Norway te tlawh kualin heng hmunah te hian Indian Embassy ten an lo dawngsawng a. Norway-ah hian India Ambassador H.E. Smt. Gloria Gangte chuan Speaker te nupa zanriah kilpuiin inkawmna hun ṭha tak an hmang a; India ram chhung leh India Hmarchhaka hnam hrang hrang te inpumkhatna chungchang te an sawi dun a ni.

Pi Gloria Gangte hi Norway-a a awm hmain Argentina leh Malta ah te India Ambassador in a lo awm tawh a ni.

Speaker nen an inkawmnaah hian a pasal Pu Anil Kumar chuan a tawiawm a; Pu Lalthangmawia, Addl Secretary, Mizoram Assembly Secretariat pawh a tel a ni.